Forex Dərsləri 6 : Şərt Operatoru

Expert Məsləhətçi yazılmasının öyrənilməsindəki əsas addımlardan biri də məhz şərt operatorları ilə bağlıdır.

Proqramın icra olunma istiqaməti verilmiş şərtin yerinə yetirilib yetirilməməsindən asılı olaraq dəyişə bilir. Bunun üçün MQL dilində if - else şərt operatorundan istifadə olunur. 

if - else şərt operatorunun standart yazılış forması aşağıdakı kimidir:

if ( şərt )

{

     ifadə  1

}

else 

{

     ifadə 2

}

Bildiyiniz kimi burada if ingiliscə əgər  else isə əks halda mənasına gəlir.

Yuxarıdakı kodu bu cür oxuya bilərik:

Əgər şərt ödənilərsə ifadə 1 , əks halda ifadə 2 icra olunsun.

Yuxarıdakı kod blokunda əgər iki şərtimiz  olsa idi o zaman else if ifadəsindən də istifadə etməli olacaqdır. Yəni aşağıdakı kimi:

if ( şərt 1)

{

     ifadə  1

}

else if ( şərt 2 )

{

     ifadə 2

}

else 

{

     ifadə 3

}

Bunu misal üzərindən daha yaxşı başa düşə bilərik.

Sizdə şəkildə gördüyünüz qaydada kodları yazmağa çalışın. 

Burada birinci şərtimiz  Bid-in ( təklif ) level1 -  dən kiçik olması vəziyyətidir. Əgər  ( if ) qrafikdəki təklif qiyməti level1- dən kiçik olarsa o zaman Comment funksiyası ilə ekrana "qiymət level1- dən kiçikdir" yazısını yazırıq.

Yox əgər ( else if )  təklif qiyməti level2 -dən kiçik olarsa ekrana "qiymət level1 ilə level2 arasındadır" yazısını yazdırmış oluruq.

Əks halda ( else )  isə ( yəni şərtlər yerinə yetirilmədikdə ) ekrana "qiymət level2 -dən yuxarıdır" yazısı yazılacaqdır.